Waxaa weli xiisad dagaal oo u dhexeeysa laba Maleeshiyo beeleed ay ka taagan tahay deegaano hoostaga degmada Matabaan ee Gobolka Hiiraan,waxaana soo baxaya baaqyo kala duwan oo loo dirayo dadka halkaas ku dagaalamaya.
Magaalada Baladweyne ee Xarunta Gobolka Hiiraan ayaa Maanta waxaa kulan ku yeeshay Odayaasha iyo Waxgaradka reer Hiiraan,isla markaana waxaa ay ka hadleen dagaalka ka socda deegaano ka tirsan Gobolkaas.
Odayaasha iyo Waxgaradka reer Hiiraan ayaa ku baaqay in si deg deg ah loo joojiyo dagaalka ka socda deegaano hoostaga degmada Matabaan,iyagoona sheegay inay aad uga xun yihiin dadka halkaasi isku leynaya ee walaalaha ah.
Qaar kamid ah Odayaasha oo warbaahinta la hadlay ayaa sheegay in ay ku baxayan arrintaas,isla markaana ay kala dhex gelin doonaan labada dhinac ee dagaalamaya ayna ka shaqeyn doonaan sidii waxkasto oo jira wadahadal lagu dhameyn lahaa.
Maalmihii la soo dhaafay ayaa waxaa deegaano hoostaga degmada Matabaan ee Gobalka Hiiraan ka dhacayay dagaal beeleedyo geystay Khasaaro isugu jira dhimasho iyo dhaawac,isla markaana waxaa ku dhintay inta uu dagaalka socday in ka badan 20 ruux oo labada dhinac ah.
Hoos ka Dhageyso Codadka Qaar kamid ah Odayaasha iyo Waxgaradka G/Hiiraan.
