Munaasabad abaalmarin lagu Gudoonsiinayay degmooyinkii Kaalmaha hore ka galay Tartantii Bisha Barakeysan ee Ramadaan ee degmooyinka dalka ay u qabatay Idaacadda Dalsan ee Magaalada Muqdisho ayaa Galabta lagu qabtay Howlka Beach View ee Magaalada Muqdisho.
Munaasabada waxaa goobjoog ka ahaa Masuuliyiin ka tirsan Maamulka gobolka Banaadir,oo uu ka mid ahaa Agaasimaha Maamulka gobolka Banaadir,Masuuliyiin ka tirsn 17 degmo ee gobolkaan Banaadir iyo Wakiilo ka kala socday qaar ka mid ah degoominkii ka qeyb galay tartaankaas.
Gudoomiyaha degmada Dharkenley oo ah degmadii Kaalinta Koowaad gashay C/raxmaan Sayid Cali oo Goobta ka hadlay ayaa yiri.
”hambaliyo labada degmo iyo Degmada Wardhiigleey oo guuleesatay,dharkeyleyna waxaa u rajeynaa sanadka kale in kaalmaha hore ay kusoo baxdo mahadsanidiin”
Axmed Cali Agaasimaha Xafiiska Gudoomiyaha Gobolka Banaadir ahna Duqa Muqdisho oo ka mid ahaa Madaxdii lagu Casuumay Munaasabadda ayaa ka hadlay ujeedada Mamulka Gobolka Banaadir uu ka lahaa Maalingelinta tartankaan.
“Maamulka Gobolka Banaadir ujeedadiisa tartankaan waxa uu ahaa in la dhiiragaliyo Dhalinyarada Waxbaratay saad la socotiin dadka Somaaliyeed 75% waa dhalinyaro dunidu Maantana aad bay u hormartay”
Ugu dambeyn Agaasimaha Radio Dalsan Xasan Cali Geeseey ayaa sheegay in Maamulka iyo Howlwadeena Idaacadda Dalsan uu micno weyn ugu fadhiyay tartankaan.
”Micnaha Radio Dalsan iyo Gobolka Banaadir ugu fadhiyo Tartankaan waxa ay tahay in la abaalmariyo Dhalinayarada aqoonta ku tartantay iyo in ay soo bandhigaan aqoontooda cilmina ay ku tartamaan ,iyo horumarinta aqoonta iyo isdhexgalka”
Ugu dambeyn waxaa Gabagabadii la abaalmariyay degmooyinkii Kaalmaha hore ka galay tartaankaas kuwaas oo kala ahaa.
Degmada Dharkenley oo Kaalinta koowaad Gashay,Waaberi oo Kaalinta labaad Gashay iyo Warta-Nabadda oo si anshax ahaan ah loo abaal mariyay.
Sidoo kale waxaa halkaasi lagu abaal mariyay Wariyaashii tebinayay Barnaamijkaas kuwaas oo u dhabar adeegay in uu si huufan ku baxo Barnaamijkii Aqoon iyo Abaal Marin ee ka baxayay Bisha Ramadaan Idaacadda Dalsan lagana daawanayay Muqdisho Cable Tv.
Hoos Ka Dhageyso Warbixinta Wariye Sleemaan Xaaji Axmed Raage kana Daawo Sawirrada