Darawal Mooto Bajaaj ku geeriyooday qarax Bam oo ka dhacay Muqdisho
Dhimashada Darawalka Mooto Bajaajta ayaa timid ka dib markii Bam Gacmeed lagu weeraray Ciiidamo saarnaa Mootada degamda Hurwaa ee Gobolkan Banaadir.
Mootada ayaa xilliga Bam gacmeedka lagu weerarayey waxa ay mareysay halka loo yaqaan Shaneemo Cabdi Waayeel oo ka tirsan Degmada Heliwaa,waxaan ku dhaawacmay mid ka mid ah askartii saarneyd mootadaas.
Qof ku dhow goobta weerarka uu ka dhacay ayaa Dalsan u sheegay in goobtaasi uu ku geeriyooday ninkii waday mootada, iyadoo dhaawaca askariga halkaasi laga qaaday.
Ciidamo ka tirsan kuwa dowladda ayaa sida caadada aheyd gaarey goobta,iyaga oo halkaasi ay ka sameeyeen baaritaano gacanta ku soo dhigay dhowr qof oo lagu tuhmayo weerarkaasi bambaano,kuwaas oo la geeyey saldhiga degamda hurwaa ee Gobolka Banaadir.
