Ciidanka sida gaarka ah u tababaran ee Kumaandooska DANAB ayaa xalay howlgal qorsheysan ka fuliyey deegaanka Hanti-wadaag ee Gobolka Shabeellaha Hoose, halkaasi oo ay ku sugnaayeen dagaalamayaasha Al-Shabaab.
Inta uu socday howlgalka ayaa waxaa lagu dilay 4 xubnood uu ku jiray sarkaal lagu Magacaabo Zubeer oo ahaa sida tilmaamay Madaxii amniyaadka dagaalamayaasha ee Shabeellaha Hoose.
Saraakiil ka tirsan ciidanka xoogga dalka ayaa Warbaahinta ku hadasha Afka dowladda u sheegay in howlgalka lagu burburiyey fariisinkii Shabaabka ay ku sugneed, iyagoo intaas kusii daray inay sii wadi doonaan howlgalada lagula dagaalamayo Shabaab.
Ciidanka xoogga ayaa muddooyinkii dambe howlgalo ka dhan ah Al-Shabaab ka waday deegaano ka tirsan Gobolka Shabeellaha Hoose, halka Shabaab ay iyaguna weeraro geystay khasaaro ku qaadeen saldhigyo ay ku sugnaayeen ciidanka dowladda.
