Gelinkii dambe ee shalay ayaa waxaa Ciidamo ka tirsan AMISOM gaar ahaan kuwa Jabuuti ay gaareen Degmada Guriceel ee Gobolka Galgaduud,iyadoona lagu soo dhaweeyay.
Taliska qeybta 21-aad ee Ciidanka Xoogga dalka Soomaaliyeed ee ku sugan Guriceel ayaa Ciidanka AMISOM ku soo dhaweeyay halkaas,isla markaama sheegay in Ciidanka ay Maanta tegayan Magaalada Dhuusamareeb.
Sidoo kale Ciidanka AMISOM gaar ahaan kuwa Jabuuti oo kasoo baxay Magaalada Baladweyne ayaa horey usoo maray Degmada Matabaan oo dhawaan laga celiyay xili ay doonayeen inay gudaha u galaan degmadaas,kadib markii Ciidanka Alhusunna ay is hor istaag ku sameeyeen.
Ujeedkan Ciidakan ayaa waxaa uu yahay sidii ay uga qeyb qaadan lahaayeen sugida amiga Magaalada Dhuusamareeb oo lagu wado in uu ka dhacdo Shirweynaha dib u heshiisiinta Galmudug.
Dhinaca kale Ciidanka AMISOM ayaa ka qeyb qaadanaya sugida ammaanka Doorashada Madaxweynaha Galmudug,taasi oo qorshaha uu yahay inay ka dhacdo Magaalada Dhuusamareeb.
Si kastaba Dowladda Soomaaliya iyo Taliska Guud ee Ciidanka AMISOM ayaa ku heshiiyay in Ciidanka AMISOM la geeyo Dhuusamareeb,waxaana shalay halkaas gaaray Taliyaha Guud Ciiankaas ee Tigabu Yilma.
Hayeeshee waxaa xusid mudan in qorshaha Dhuusamareeb lagu geenayo AMISOM ay diidanayeen Hoggaanka Ahlusunna Waljameeca, Balse arrintaas xal laga gaaray.
