Maraykanka oo ka codsaday Golaha Ammanaka ee QM kulan caawa looga hadlayo Duqeynta ay XAMMAS ka geysten Yuhuudda.

Dowladda Maraykanka ayaa codsatay Kulankaasi oo ku soo beegmay iyadoo ay Diyaaradaha Dagaalka Yuhuudda duqeyn ba’an ka geysteen Marinka Qasa.

Danjiraha Maraykanka u joogta QM, Nikki Haley ayaa ku baaqday Kulankaas Degdeg ah,  waxayna sheegtay inay Dhaqdhaqaaqa XAMAAS Hoobiyayaal ku garaaceen Yuhuudda.

Waxay intaasi ku dartay in Duqeyntaas tahay tii ugu ballarnayd ee ay arkaan, tan iyo sannadkii 2014-kii.

Nikki Haley kama aysan hadlin Duqeynta ay Diyaaradaha Dagaalka Yuhuudda ka geysteen Qasa, waxayna shalay duqeeyeen in ka badan 35 bar-tilmaameed oo ay Dagaalamayaasha  Dhaqdhaqaaqa Islaamiga XAMAAS iyo Jihaad Islaamiyah ku leeyihiin Qasa.

Duqeyntaasi ayaa timid, kadib, markii ay Dagaalamayaasha Falastiinityiinta ay shalay in ka badan 25 Hoobiye ku garaaceen dhulka Yuhuudda, iyagoo dhaawacay 3 Askari oo ku sugnaa Koonfurta Yuhuudda.

Qoraal ay si wadajir ah u soo saareen Guutaadda Al-qasaam iyo Al-qudus sheegeen inay Duqeymahaasi kaga jawaabayeen xadgudubyada ay Yuhuudda ku hayaan Reer Falastiin.