Shariif Xassan Sheikh Aadan madaxweynaha maamulka Konfur Galbeed ayaa markale ku celiyey baaqa ah ugurmashada dadka ay saameysay abaarta ee ku sugan deegaanada maamulkaas.
Madaxweyne Shariif Xassan ayaa sheegay in dhibaatooyin xaga nolosha ay ka jiraan meelaha qaar dadkuna ay ku noolyihiin xaalado adag,isalamarkaana ay u dheer tahay cuduro iyo nafaqi darri heysata dadkaasi,waxaana uu ugu yeeray qofkastaa oo wax bixin kara inuu ka qeyb qaato gurmadka loo fidanayo dadkaasi.
Shalay Baydhabo markii ugu horeysay waxaa gaaray xoghayaha Qm Antonio Guterres oo booqasho ku yimid Muqdisho,waxaana uu kormeeray xaaladaha iyo daruufaha ay ku noolyihiin dadka ay saameysay abaarta ee yimid magaalada Baydhabo,si uu u qiimeeyo xaalada nololeed ee ka jirta Koonfur Galbeed.
