War-qoraal oo ka soo baxay Afhayeenadda Wasaaradda Arrimaha Dibedda Raashiya, Maria Vladimirovna Zakharova ayaa sheegtay inay Maraykanka siiyeen Kooxaha ka dagaalama dalka Syria Gantaalladda Lidka Diyaaradaha ee Garbaha laga rido, waxayna hoosta ka xariiqday inay Tallaabadaasi u muuqato kuwo si toos ah loogu cabsi gelinayo Askarta Raashiya ka joogta Syria iyo Safaaradda ay ku leeyihiin caasimadda dalkaasi ee Dimishiq.
Waxay intaasi ku dartay inay Dowladda Raashiya u aragto Tallaabadda Maraykanka fal daandaansi Colaadeed.
Dhinaca kale, Madaxweynaha dalka Turkiga, Rajab Dayib Erdogan waxa uu isagana ku eedeeyey Isbahaysiga Maraykanka inay taageeraan Kooxda Daacish iyo kuwa kale ee Kurdiyiinta ee YPG iyo PYD.
Madaxweyne Erdogan waxa uu tilmaamay inay hayaan caddaymo muujinaya inay Isbahaysiga Maraykanka taageeraan Kooxaha ka dagaalama gudaha dalka Syria, balse Afhayeenka Waaxda Arrimaha Dibedda Maraykanka, Mark Toner waxa uu Eedeynta Erdogan ku tilmaamay mid aan asaas lahayn.
.©Radio Dalsan
