Afhayeenka Waaxda Difaaca Maraykanka ayaa sheegay in Ciiddankaasi oo wata Madaafiicda Culus ee Hawsarka ayaa loogu talagalay inay ka qeyb galaan Diyaargarowga socda oo la doonayo in Maleeshiyadda Daacish looga saaro Xaruntooda Dhexe oo ku taalla magaalladda Raqa ee dalka Syria.
Saraakiisha Milliteriga Maraykanka ayaa sheegay in Dagaalka lagu qabsanayo magaalladda Raqa u ekaan doono dagaalka Isbahaysiga Maraykanka kula jiraan Dagaalamayaasha Daacish ee ku sugan magaalladda Mosul ee Waqooyiga Iraq.
Daad-gureyntaasi ayaa la sheegay inay tahay mid KMG, waxayna Ciiddanka Maraykanka taageeri doonaan Maleeshiyadda deegaanka ee ay Isbahaysiga Maraykanka maalgeliyaan.
Dhinaca kale, Maraykanka waxay qorsheynayaan inay ilaa 1,000 Askari oo dheeraad ah u diraan dalka Kuweyt, si ay ugu biiraan Dagaalka ka dhanka ah Daacish
©Radio Dalsan
