3 Askari ayaa geeriyootay, 7 kalena wey dhaawacmeen, kadib, markii ay Milliteriga Israel madaafiic ku garaacday 3 fariisin Ciiddan oo ku yaalla Gobalka Quneytra ee Bariga dalka Syria.
Warbaahinta Dowladda Syria ayaa saakayto sheegtay inay Ciiddanka iska caabiyeen Duqymo ay Ciiddanka Israel geysteen, iyadoo ay Ciiddanka Difaaca Syria hawada ku burburiyeen Gantaal ay Israel Waaberigii hore ee saakayto ku soo ganeen Koonfurta Caasimadda Syria ee Dimishiq.
Ilo Milliteri ayaa u sheegay WakaalladdaWararka Syria ee SANA inay duqeymahaasi ka soo dhacaeen qeybta ay Milliteriga Israel ka joogaan dhanka Buuraha Golan Haytis
Dhanka kale, Milliteriga Israel waxay xaqiijiyeen inay duqeeyeen bar-tilmaameedyo ay Milliteriga Syria lahaayeen, oo kala ahaa Saldhig ay Lidka Diyaaradaha yaalleen, Xarumo Sirdoon iyo goobo wax laga ilaaleeyo.
Afhayeen u hadlay Milliteriga Israel ayaa sheegay in duqeymahaasi looga jawaab celinayey 2 Madfac o oay ciiddanka Syria la beegsadeen Degmadda Hermoon ee Waqooyiga Buuraha Golan Haytis.
