Warbaahinta Gudaha ee dalkaasi ayaa sheegay inay Ciiddanka ilaaladda Xuduuka shalay lala beegsaday Qarax ay ku dhaawacmeen 2 Sarkaal oo ka tirsan Boliska dalkaasi.
Saraakiisha boliska Kenya ee la dhaawacay oo xaalladooda aad u liidato ayaa la sheegay in loola cararay Isbitaal ku yaalla magaalladda Laamu ee dalkaasi.
Qaraxaasi ayaa la sheegay in uu ka dhacay waddo isku xirta Deegaanka Kiunga iyo Xuduudka Somalia, taasi oo lala beegsaday Gaari ay Ciiddankaasi la socdeen.
Dhinaca kale, Warbaahinta Kenya waxay sheegeen inay Ciiddanka Xuduudka Kenya jooga ay dileen 3 ka tirsan Dagaalamayaasha Alshabaab, waa sida ay hadalka u dhigeen.
Dagaalamayaasha ayaa la sheegay inay ku geeriyooday Is-rasaasayn ay la galeen Ciiddanka Kenya ee qaraxa lala beegsaday.
