Wasiirka Wasaaradda Gaadiidka iyo Duulista Hawada Xukuumadda Federaalka Soomaaliya Maxamed Cabdullaahi Salaad Oomaar oo ku sugan Magaalada Kismaayo ayaa Isbitaalka ku booqday dadkii ku dhaawacmay weerarka Al-shabaab ku qaadeen Hotelka (Madiina Ex Cas-casey).
Wasiir Oomaar ayaa ku soo wareegay qeybaha kala duwan Isbitaalka weyn ee Magaalada Kismaayo,waxaana qaar kamid ah dadka dhaawacyada qaba uu gacan qaaday,isagoona ka xog wareestay Xaaladooda Caafimaad sida ay tahay.
Wasiirka Wasaaradda Gaadiidka iyo Duulista Hawada Maxamed Cabdullaahi Salaad Oomaar ayaa dadkii ku dhaawacmay weerarkii Hotelka Cas-caseey Alle uga baryay inuu Caafimaad deg deg ah siiyo,halka ku dhintay uu Alle uga baryay inuu Janada ka Waraabiyo.
Si kastaba Jimcihii la soo dhaafay ayaa rag ka tirsan Al-shabaab waxaa ay weerar ku Bilowday qarax iyo mid toos ahaa ay ku qaadeen Hotelka (Madiina Ex Cas-casey),isla markaana waxaa weerarkaas ku dhintay dad ku dhow 30 Ruux,halka 56 kalena ay ku dhaawacmeen.
