Diyaaradaha Dagaalka ayaa la sheegay inay Waberigii maanta duqeyn la beegsadeen labo goobood oo ay Dagaalamaayaasha XAMAAS ku leeyihiin Marinka Qasa.
Lama soo sheegin wax Khasaaro oo ka dhashay Duqeyntasi oo u muuqatay in looga aar goosanayey Hoobiyayaal ay Ururka XAMAAS xalay la beegsadeen Deegaano ku yaalla Koonfurta Yuhuudda.
Dhinaca kale, ma aha markii ugu horreysay ee ay Labada dhinac duqeyn is-weydaarsadaan.
Dagaalamayaasha XAMAAS waxay sannadkii 2014-kii dagaal socday muddo 50-maalmood ah la galeen Askarta Yuhuudda, iyadoo markii dambe Xabbad-joojin laga gaaray Dagaalkaasi.
©Radio Dalsan