Maxamed Axmed Xaraf oo ka tirsan Baarlamaanka dowlad Goboleedka Puntland ayaa ka hadlay falal ami darro oo maalmihii lasoo dhaafay ka dhacayay gudaha Magaalada Garoowe Xarunta Gobolka Nugaal.
Xildhibaan Maxamed Xaraf oo Qoraal soo saaray ayaa waxaa uu ku sheegay in amni darro baahsan ay ka jirto Magaalada Garoowe oo ah Caasimadda Puntland, isla markaana halkaas ay kusoo badanayaan tuugada dhaca u geysata Guryaha iyo dadka shacabka.
Sidoo kale Xildhibaan Xaraf ayaa amni-darrada ka jrta Garoowe ku eedeeyay inay mas’uul ka tahay Dowladda Hoose ee Garoowe, ayna ku fashilantay Shaqadii loo igmaday, maadaama caado ka dhigatay in Tuugada Magaalada wareerisay Guryaha laga sii furo.
“Amni darada Magaalada Garoowe waxa masul ka ah Dowladda hoose, maadaama ay shaqdoodu noqotay guri laga maqanyahay oo tugada loo furo laganatago†ayuu yiri Xildhibaan Maxamed Axmed Xaraf.
Ugu dambeyn Xildhibaanka ayaa tilmaamay in Maamulka Dowladda Hoose uusan waxba ka qaban dhibaatooyinka kala duwan ee tuugada xiliyada habeenkii ah ay shacabka u geystaan, isla markaana ay jirto Amn-darrado.
Si kastaba Magaalada Garoowe ayaa waxaa muddooyinkii dambe ka jiray amni darro iyo dhac loo geysanayo dadka shacab ah oo laga qaato telefoonada gacanta iyo waxyaabo kale, iyadoona dadka ay arrintaas ka muujiyeen qeylo dhaan.
