Madaxweynihii hore ee Soomaaliya Xasan Sheekh Maxamuud ayaa waxaa uu ka hadlay arrimo kala duwan oo ku aadan siyaasadda dowladda Soomaaliya,isagoo eedeymo kala duwan u jeediyay Madaxda dowladda ugu sarreeysa.
Xasan Sheekh oo Shir Jaraa’id warbaahinta ugu qabtay Magaalada Muqdisho ayaa waxaa uu sheegay in maamulka Hawada dalka dadaal xoogan lagu bixiyay sidii Soomaaliya loogu soo gacan gelin ahaa,isla markaana haatan aysan aheyn in Madaxdii hore lagu dhibaateyo,iyadoo loo adeesanayo danno gaar ah oo siyaasadeed.
Sidoo kale Xasan Sheekh ayaa waxaa uu sheegay in saameyn ay ka dhan karto hadii dowlada u isticmaasho maareynta hawada sidii hub siyaasadeed,taas oo culus ku yeelan karta xasilloonida siyaasadeed iyo midnimada dalka.
Dhinaca kale Madaxweynihii hore ee Soomaaliya ayaa Madaxweyne Farmaajo iyo Ra’iisul Wasaare Kheyre ku eedeyay inay baalmaren Shuruucda dalka ,isla markaana aysan sax aheyn sida haatan ay wax ku wadaan.
“Madaxdu markay shacabka Ixitiraamaan ayey ixtiraam helayaan,Hoggaanka dowladda sida ay wax ku wadaan sax maahan oo wadada ay hayaan qardheer bay ka tuureysaa oo dadku way idiin dul-qaateene dhibka ka dhaafa,sidaa wax u waddaan anagaa dalka joognay oo og waxa ka dhashay haddiinan ogeyn ee ka jooga”ayuu yiri Xasan Sheekh.
Ugu dambeyntii Xasan Sheekh Maxamuud ayaa tilmaamay in shacabka Gobolka Banadir ay dhibaato badan heysato,taas oo ay ugu weyn tahay Waddoooyinka ka xiran,iyagoo markii hore qaati ka tagnaa xiliyada loo Wadooyinka loo xiro Madaxda dalka imaaneysa.
Halkaan ka soo yeeray Xasan Sheekh Maxamuud ayaa waxaa uu kusoo aadayaa,iyadoo Maanta Shir Jaraa’id qabtay Sheekh Shariif,kaasi oo uga hadlay arrimo kala duwan oo qaarkood dowladda ugu jeediyay eedeymo Culus,kadib markii shalay DFS xayirtay diyaarad uu ku aadi lahaa Magaalada Kismaayo,isla markaana loo diiday in halkaas uu u duulo.