Wasiir ku xigeenka Wasaaradda Xannaanada Xoolaha Maamulka Galmudug Cabdulaaahi Cascasey ayaa kormeer ku tagay suuqa Xoolaha Magalada Guriceel oo dhawaan xarigga laga jaray.
Maamulka degmada iyo mas’uuliyiin kale ayaa tagay suuqa oo dhawaan wasaaradda xannaanada Xoolaha Galmudug ay amar ku bixsay in ganacsatadu ay ganacsigooda u raraan suuqa weyn ee xoolaha, balse waxaa jirtay in ganacsatada Xoolaha ay ka biyo diideen arrintaas, waxaana ay wasaaraddu billowday inn ay dhagaysato cabashada ay qabaan ganacsatadu.
Waxaana wasaaraddu ay horay u sheegtay in suuqa ay u dhamaystiran yihiin dhammaan agabkii iyo wixii looga baahnaa.
Suuqa ayaa waxaa dhisay hay’ado dhowr ah oo ay ka mid ahaayeen NRC iyo UK aid, waxaana maamulka Guriceel ay horay u sheegeen in laga maarmi doono goobaha ay isticmaalaan ganacsatada Xoolaha.
Madaxweynaha maamulka Galmudug Axmed cabdi Kaariye Qoorqoor ayaa xariiga ka jaray suuqaan, waxaana uu sheegay in hadda kadib xoolaha lagu iibin doono suuqaas, balse ilaa hadda wali suuqa ganacsatadu uma rarin ganacsigooda.