Madaxweyne Lafta-gareen oo Maanta kulan la qaatay Safiirada Ingiriiska iyo Mareykanka

Madaxweynaha dowlad Goboleedka Koonfur Galbeed Soomaaliya Cabdicaiis Xasan Maxamed Lafta-gareen oo ku sugan Magaalada Muqdisho ayaa kulan la yeeshay Safiirada dowladda Ingiriiska Kate Foste iyo Sii-hayaha Safaarada Mareykanka ee Soomaaliya.

Kulanka Madaxweyne Lafta-gareen iyo Safaarada ayaa ka wada hadlay Arrimo kamid yihiin xaaladda siyaasadeed ee dalka iyo doorashooyinka dhacaya oo ku qabsoomi waayay waqtigii loogu tala-galay.

Sidoo kale Madaxweynaha Koonfur Galbeed ayaa Safiirka Ingiriiska Kate Foste iyo Sii-hayaha Safaarada Mareykanka kala hadlay ammaanka deegaannada Maamulkaas iyo sidii wax looga qaban lahaa Abaaraha baahsan ee saameynta ku yeelatay Bulshada.

Wararka la helayo ayaa sheegaya in Safiirada ay Madaxweyne Cabdicaiis Xasan Maxamed Lafta-gareen u sheegeen inuu ka qeyb galo Shirka Golaha Wadatashiga Qaranka ee uu Icmaaliyey Ra’iisul Wasaaraha, xili Lafta-gareen uu si  Cad u diiday ka qeyb galka Shirkaas.

Madaxweyne Lafta-gareen ayaa dowladda Ingiriiska iyo Mareykanka ka dalbaday inay dardar-geliyaan taageerada ay siiyaan maamulkiisa, isagoona uga mahadceliyay dadaalada ay wadaan Wakiilada Beesha Caalamka ee ku aadan doorashada.

Madaxweynaha Koonfur Galbeed oo shalay soo gaaray Magaalada Muqdisho ayaa ka qeyb galaya Shirka uu ku baaqay Ra’iisul Wasaare Rooble ee looga hadlayo saxida doorashada iyo dhammeytirkeeda…