Khasaaro ka dhashay weerar ay Al-Shabaab ku qadeen Saldhig ku yaalla Gobalka Bari

Ugu yaraan inta la ogyahay laba askeri ayaa ku dhimatay, weerar saaka ururka Al-shabaab ay ku qaadeen deegaanka Af-urur ee buuraha waqooyi ee Gobolka Bari, halkaas oo ciidamada Puntland ku leeyihiin saldhig ciidan.

Weerarka ayaa ku bilawday Hoobiyaal Shabaab ku soo riday xeryo ciidan oo ku yaalla banaanka magaalada kadibna ciidanka ayaa kaga jawaabey hubka culus.

Goobjoogayaal ayaa warbaahinta u sheegay in hadda rasaas googoos ah laga maqlaayo buuro ku dhow tuulada oo ah dhul dhir badan oo ay adagtahay in la arko wixii kaa durugsan.

Xilliyo hore ayaa sidaas oo kale Al-shabaab weerar ugu qaadeen tuuladaasi iyado sannadkii 2017 ay ku dileen in ka badan 40 qof .