Faah faahino_ Guddoomiye Degmo  oo Qaraxa lagula eegtay Magaalada Muqdisho 

Faah faahinno dheeraad ah ayaa kasoo baxaya Qaraxa Caawa ka dhacay Magaalada Muqdisho ee Caasimadda Soomaaliya, waxaana la sheegay in Qaraxu  ahaa Miino waddada dhinaceeda lagu aasay.

Jugta Qaraxa oo si weyn looga maqlay Qaybo ka mid ah  Magaalada Muqdisho ayaa waxaa uu ka dhacay degmada Waaberi ee Gobolkani Bnaadir, waxaana  lala beegsaday Guddoomiyaha Degmada Hodan Cabdi Xakiin Dhagajuun oo sida la sheegay goobta uu qaraxu ka dhacay marayay.

Wararkii ugu dambeeyay ee aan helayno ayaa sheegaya in Guddoomiyaha uu dhaawac soo gaaray, waxaana la sheegay in ay goobta ku dhinteen labo ka mid ah ilaaladiisa, iyadoo uu bur-buray gaarigii Qaraxu qabsaday.

Xaaladda Caafimaad ee Guddoomiyaha ayaa lagula tacaalaya mid ka mid ah Cusbitaalada Magaalada Muqdisho.

Qaraxa kadib waxaa Goobta soo gaaray Ciidamada dowladda oo isugu jira Nabad sugid iyo Boolis kuwaasi oo la sheegay in ay howlgallo sameeyeen.