Dowladda Somalia oo shaacisay Dad hor leh oo u geeriyooday COVID-19

Wasaaradda caafimaadka xukuumadda federaalka Soomaaliya (XFS) ayaa xaqiijisay in 24-kii saac ee lasoo dhaafay dalka laga diiwaan geliyay 60 xaaladood oo COVID-19 ah. 21 ruux ayaa ka boqsootay xanuunka oo uu horey ugu dhacay.

Wasiirka Caafimaadka iyo Daryeelka Bulshada XFS, Marwo Fowziya Abiikar Nuur ayaa sidoo kale caddeysay in xaaladaha cusub laga diiwaan geliyay gobalka Banaadir 6 Jubaland 32 Somaliland 18 iyo Galmudug 4.

Bukaannda cusub 53 ayaa rag ah 7-na waa haween. Tirada xaaladaha COVID-19 ee dalka laga diiwaan geliyay ayaa gaartay 1,976 qof Geeridu waxay mareysaa 78 , waxaana guud ahaan ka bogsooday 340 ruux.

Marwo Fowziya Abiikar Nuur, oo caddeysay in cudurkaan oo dalka aad ugu fidayo, ay dhallinyaradu yihiin tirada ugu badan ee dadka uu soo ridanayo, waxeyna ugu baaqday dhallinyarada inay taxadar dheeraad ah sameeyaan .