Ciidanka Galmudug iyo kuwo xoogga dalka oo howgallo Culus ka wada Gobolka Mudug

Ciidanka Galmudug iyo Ciidanka xoogga dalka ayaa saacadihii lasoo dhaafay waxaa ay howgallo qorsheysan ka fuliyeen degaanno dhowr ah oo ka tirsan degaanada Galmudg,waxaana wali socda baaritaanno iyo howgallo culus oo ay wadaan Ciidanku.

Wasaaradda amiga Maamulka Galmudug oo Qoraal soo saartay ayaa sheegtay in Ciidanka Huwanta ah ee Qaranka iyo kuwa Galmudug ay iminka ku hareereeyeen ku dhawaad 60 dagaalame oo ka tirsan Al-shabaab, waa sida ay hadalka u dhigeene, waxaana ay sheegeen in ay macquul tahay in xubnahaasi ay isi soo dhiibaan.

Sidoo kale Qoraalka ayaa waxaa lagus heegay in Ciidanka Dowladda iyo kuwa galmudug ay guulo ka gaareen howgalladii ay sameeyeen, waxaana ay inta ku dareen in Qiyaastii afar xabbo oo miino ah oo isugu jira kuwa Remote-ka ah iyo kuwa anti-taangiga ah ay kasoos aareen aagga Bacaadweyn iyo Camaara.

Howgalladaasi saaka billawday ayaa waxaa horkacaya Saraakiil sar sare oo labada dhinac ka tirsan oo ay ka mid yihiin Wasiirka Amniga Maamulka Galmudug Axmed Fiqi, Taliyaha Ciidamada lugta ah Gen. Biixi, Taliyaasha Ciidamada Qeybta 21aad ee Xoogga dalka Soomaaliyeed, NISA, Gorgor, Danab iyo daraawiishta Galmudug.

Sidoo kale qoraalka kasoo baxay Wasaradda Amniga Maamulka Galmudug ayaa waxaa lagu sheegay in Madaxweyne Qoorqoor uu qolka hawlgelinta ka hagayo hawlgalkaasi.

Saaka ayay ahayd markii Ciidanka Galmudug ee ku sugan afafka hore Koontroolka Bacadweyn ay ku fashiliyeen gaari la sheegay in laga soo buuxiyay waxyaabaha qaraxa, kaasi oo la sheegay in ay toogteen wadihii, sidaasna uu ku qarxay.