QM oo Ciiddanka Kenya ugu deeqdayso Qalab looga hor-tago qaraxyadda ay Alshabaab kala kulmaan.

 Hay’adda QM ugu qaabilsan Ka-hortaga Miinooyinka ee UNMAS  ayaa la sheegay inay Ciiddanka Kenya ee qeybta ka ah Hawlgalka AMISOM ka taageerayaan Tababarka sida looga hortago Miinooyinka dhulka lagu aaso ee loo yaqaano (IED), xilli ay sii kordhayso qaraxyadda ay Xarakadda Alshabaab la beegsadaan Ciiddanka AMISOM ooa y kuwa Kenya qeybta ka yihiin.

Ray Nzano oo ah Sarkaal ka tirsan Hay’adda QM ee Ka-hortagga Miinooyinka ee (UNMAS) ayaa u tababaraya Ciiddanka Kenya sidii ay uga gaashaaman lahaayeen Miinooyinka Alshabaab oo ay Askar badan oo Kenyan ah horey ugu geeriyoodeen.

Hay’adda QM ugu qaabilsan Ka-hortagga Miinooyinka ee UNMAS waxay Ciiddanbka Kenyanka ka tirsan Hawlgalka AMISOM siinayaan Tababar iyo Taageero Farsamo oo ay ku jiraan Qalabka lagu baaro Miinooyinka, Qalabka Habeenkii wax lagu arko, Eeyda wax urisa iyo Loojistiko kale.

Ilaa 13 qarax ayey Dagaalamayaasha Alshabaab la beegsadeen Askarta Kenya ee qeybta ka ah Hawlgalka AMISOM tan iyo bishii Janaayo 13-dii ee sannadkan, iyadoo ay Askar badan ku geeriyoodeen, kuna dhawaacmeen qaraxyadaasi oo badankodoa ka dhacay Jubbooyinka iyo Deegaanadda kaabiga ku haya xuduudka Kenya.