Malala Yousafzai oo u ololeysa Waxbarashadda Gabdhaha  oo booqasho ku joogta Xeradda Dhadhaab.

Malala oo ah U-Ololeyso u dhalatay dalka Pakistan, isla markaana ku guuleysatay Abaalmarinta Caalamiga ee Nobelka  ayaa ku sugan dalka Kenya, si ay Indhaha  Beesha Caalamka ugu soo jeediso dhibaatooyinka haysta Qaxootiga Soomaalida ku nool Xeradda Dhadhaab ee W/bari ee Kenya.

Malala Yousafzai waxay kaloo doonaysaa inay walaac xooggan ka muujiso Qorshaha Dowladda Kenya ee lagu xiray Xerada Dhadhaab oo ah Xeradda Qaxootiga ugu ballaaran Caalamka.

Afhayeenka Malala oo lagu magacaabo Taylor Role ayaa shedegay inay Malala xiriir dhinaca Skype kula xiriiri jirtey Koox gabdho ah oo ku sugan Xeradda Dhadhaab, isla markaana ay iska wareysan jireen xaalladaha ay ku sugan yihiin Gabdhaha Soomaalida ee ku nool Xeradda Dhadhaab oo Hoy u ah in ka badan 300,000 oo Qaxooti u badan dad Soomaali ah.

Dhinaca kale, Malala Yousafzai  waa gabar 19-jir ah oo u ololeyn jirtey sidii ay gabdhaha Reer Pakistan wax u baran lahaayeen, inkastoo  ay dhaawaceen  Maleeshiyadda Ururka Daalibaan ee ka dagaalama dalalka Pakistan iyo Afganistan,

Malala3 Malala 1Malala2

©Radio Dalsan