DEG DEG:-Ciidamada Jubbaland oo Goordhow Xabsiga ka sii daayay Xildhibaan Axmed Taajir

Wararka naga soo  gaaraya Kismaayo ee Gobolka Jubbada Hoose ayaa waxa ay sheegayaan in Ciidamada ammaanka Maamulka Jubaland ay goordhow xabsiga Kismaayo ka sii daayeen Xildhibaan Axmed Taajir oo maalmihii la soo dhaafay ku xirnaa xeradda Fiat ee magaalada Kismaayo.

Siideynta Axmed Taajir ayaa loo sababeynayaa laba arrimood oo kala ah, warar sheegaya in Safiirka dowladda UK ee Somalia oo shalay booqday magaalada Kismaayo uu Madaxweyne Axmed Maxamed Islaam uu kala hadlay in si deg deg ah loo siidaayo Xildhibaanka, maadaama xildhibaanku uu yahay muwaadin Somali brtish ah,

Sidoo  kale cabsi laga qabo in ciidamada beesha uu ka soo jeedo xildhibaanka ay weeraro ka geystaan magaalada halkaasi uu dagaal ka qarxo, kadib markii manta Ciidamo gadoodsan ay xireen Xaafado ka mid ah Magaalada Kismaayo taas oo maanta aad looga dareemay magaalada.

Warar hoose ayaa sheegaya in Axmed Taajir lagu qasbayo inuu hadda ka hadlo Tvga ku hadla afka Maamulka Kismaayo oo uu ka sheego inuu dambiga isagu lahaa in kastoo warkaas cid sirasmi ah u xaqiijisay aysan jirin.