Ciidamada xoogga dalka oo la wareegay deegaano horleh

Wararka ka imaanaya Gobolka Hiiraan ayaa sheegaya in ciidanka Xoogga Dalka ay howlgal military kula wareegeen deegaanka Moqo-kori ee gobolkaasi,halkaasi oo maamulayeen Alshabaab.

Ciidanka Xoogga Dalka ayaa weerar qorsheysan ku qaaday deegaankaasi Moqo-kori oo qiyaas ahaantii 40 KM u jira degmada Maxaas ee gobolka hiiraan.

Saraakiisha hoggaaminaysa howlgalkaasi ayaan weli sirasmi ah u soo bandhigin qasaaraha ka dhashay howlgalkaasi,balse howlgal kan lamid ah oo dhawaan lagu qaaday isla deegaankaasi ayaa sababay qasaare dhimasho iyo dhaawac,iyadoo sidoo kale laga soo furtay hub.