Alshabaab oo gaari iyo Hoobiye ka soo dhacay Saldhig Bolis oo ku yaalla Wajeer.

Wargeyska The Star ee ka soo baxa magaalladda Nairobi ayaa maanta qoray inay Dagaalyahanno ka tirsan Alshabaab abaarihii 2-dii habeenimo ee xalay weerar ku qaadeen Bar ay Boliska ku leeyihiin Degaanka Diif ee hoos tagta Degmadda Wajeer ee Gobalka W/bari Kenya.

Alshabaab ayaa la sheegay inay gaari  ay Boliska lahaayeen oo noociisu ahaa Land Cruiser iyo Hoobiye ka soo qaateen Bartaasi, ka hor intaysan gubin Saldhigga.

Boliska ayaa sheegay in 3 qof lagu dhaawacay weerarkaasi, iyadoo ay 18 Bolis oo ku sugnaa Barta Boliska ee la weeraray la sheegay inay baxsadeen.

Bishii August ee sannadkii 2014-kii, 2 Sarkaal oo ka tirsan Boliska Kenya ayaa la dhaawacay, kadib, markii ay Alshabaab weerareen Saldhigga Boliska Fino ee Degmadda Mandera.

©Radio Dalsan