Al-Shabaab oo xukun dil ah ku fuliyay Haweeney ay sheegeen Inay 11 Nin Hal Mar Guursatay

Wararka naga soo gaaraya Gobolka Shabeellaha Hoose ayaa waxa ay sheegayaan in Al-Shabaab Maanta fal dil ah ay ku fuliyeen Haweeney ka mid aheyd dadka ku nool degmada Sablaale ee Gobolka Shabeeelaha Hoose.

Goob fagaaro ah oo ku yaalla degmada Sablaale ayaa Al-Shabaab waxa ay isugu keeneen boqolaal ka mid ah Shacabka Magaladaas,waxana haweeneyda ay ku dileyn dhagax,iyaga oo ku eedeeyey in hal mar ay wada guursatay 11 nin.

Haweeneyda dilka ay Al-Shabaab ku fuliyeen ayaa waxaa lagu Magacaabi jiray Shukri Cabdullaahi Warsame ,waxaana Al-Shabaab ay sheegeen in ay qiratay dambigii lagu soo eedeeyey sidaasna xukunka dila ah loogu fuliyey.

Wax Cusub maahan in Al-Shabaab xukuno isugu jira dil iyo kuwo kale ay ku ridaan dadka ku nool deegaannada ay Gacanta ku hayaan laakin waa markii ugu horreysay inta la xasuusto in haweeney guursatay 11 Nin hal ay xukun dila ah ku ridaan.