Wasiiro, Xildhibaano, maamulka degmada Dhuusamareeb iyo odayaal dhaqameed ayaa waxaa ay gaareen deegaanada Qalanqale iyo Xananbuure ee gobolka Galgaduud oo horey ay ku dagaalameen labo maleeshiyo beeleed.
Mas’uuliyiintan ayaa waxaa ay la kulmeen qeybaha kala duwan ee bulshada ku nool deegaanadaasi, iyagoona kulan la qaatay mid ka mid ah beelihii dhawaan ku dagaalamay deegaanadaasi.
Xubnahan ka socday Galmudug iyo odayaasha ayaa waxaa ay beelaha ka dalbadeen in ay joojiyeen colaada ka taagan deegaanada Qalanqale iyo Xananbuure ee gobolka Galgaduud.
Sidoo kale Mas’uuliyiinta ayaa waxaa ay kulan la qaateen Taliyaha Ciidanka Xoogga dalka qaybta 21-aad General. Qooje iyo Taliyaha Guutada 15-aad General. Mascuud Maxamed.
Wasiirada, Xildhibaanada, maamulka degmada Dhuusamareeb iyo odayaasha ayaa balan qaadey in ay ka shaqeyn doonaan nabada deegaanada lagu dagaalamay.
