Nin ku hubeysnaa tooreey ayaa waxa uu dooxay dad ku sugnaa Xarun laga Dukaamaysto oo ku taalla Saint Cloud oo 112.65 KM dhanka W/galbeed kaga toosan magaalladda Minneapolis.
Goobjoogayaal ayaa sheegay inay maqleen rasaas, iyadoo Sarkaal ka tirsan Boliska oo aan xilligaasi shaqo ku jirin ayaa toogasho ku dilay Ninka dadka ku dooxay Dhismaha laga dukaamaysto oo la sheegay inuu ku labisnaa Dharka Shaqaalaha Ammaanka.
Wararka ayaa sheegayo in Ninka dadka la dhacay Tooreyda uu ku dhawaaqayey Allaahu Akbar.
Afhayeenadda Isbitaalka Saint Cloud, Chris Nelson ayaa sheegtay in la soo gaarsiiyey 8 qof oo dhaawacan, inkastoo aysan jirin kuwo qaba dhaawacyo khatar ah.
Ma cadda sababaha weerarka dadka lagu dooxay, inkastoo la dilay Ninkii geystay weerarkaasi.
©Radio Dalsan
