Hadal ka soo baxay Dowladda Kaamiruun, lagana akhriyey Telefishinka Qarankaas ayaa lagu sheegay in Tareen Rakaab uu ku qalibmay agagaarka Degmadda Eseka oo qiyaastii 120 KM dhanka Galbeed kaga toosan caasimadda dalkaasi ee Yaunde.
Dowladda waxay sheegtay inay ugu yaraan 55 qof gereiyootay, 575 kalena ku dhaawacmeen, iyadoo ay 14 kalena weli ku hoos xaniban yihiin Burburka Tareenkaas.
Baraha Bulshadda ayaa la soo dhigay sawiradda shilkaasi iyo qeybo ka mid ah Burburka Tareenka.
Afhayeen u hadlay Shirkadda leh Tareenkaasi ayaa xaqjiiyey shilkaasi, balse waxa uu ka gaabsaday inuu faahfaahin dheeraad ah ka bixiyo sababaha dhaliyey shilkaasi.
©Radio Dalsan
