Dowladda Turkiga ayaa amartay in la soo xiro 68 Eedeysanayaal oo ay Tobanaan Kolonel ku jiraan, kuwaasi oo lala xiriirinayo Fatxullaahi Guleen oo ah Ninkii ka dambeeyey Afgambigii Fashilmay ee dalkaasi ka dhacay sannadkii 2016-kii.
Amar ka soo baxay Xafiiska Dacwad-oogaha ee magaalladda Ankara ayaa lagu sheegay in kuwa la soo xirayo ay ku jiraan 49 darajadoodu tahay Gaahsanle-sare-yaal, iyadoo dhanka kale ay Wakaalladda Wararka Turkiga ee ANADOLU sheegtay in 19 Sarkaal lagu soo qabtay Hawlgal lagu beegsaday Ciiddanka Dhulka ee dalkaasi oo ku kala sugnaa 19 Gobal oo ay ku jirto Caasimadda dalkaasi ee Ankara.
Dhinaca kale, ilaa 160,000 oo qof ayaa loo xiray Tuhuno la xiriira inay ku lug lahaayeen Afgembigii Fashimay ee dhacay bishii July 15-dii ee sannadkii 2016-kii.
