Hay’addaha Kenya u qaabilsan La-dagaalanka kooxaha loogu yeero Argagixisadda ayaa sheegay inay hayaan Warar dhinaca Sirdoonka oo sheegaya in qaar ka mid ah Shaqaalaha Sirdoonka Iiraan si qarsoodi ah ku soo galeen Bariga Afrika, isla markaana doonayaan inay xoog ku furtaan 2 Eedeysane oo asalkooda Iiraan yahay oo ku xiran Kenya.
Ilo ka tirsan Hay’addaha La-dagaalanka Argagixisadda Kenya waxay u sheegeen Wargeyska The Star inuu jiro Qorshe Isku-day lagu doonayo in lagu soo furto Eedeysanayaashaasi , iyadoo isku-day horey uu fashilmay sannadkii 2014-kii.
Labada Eedeysane ee la doonayo inuu xoog lagu soo furto ayaa waxaa lagu kala magacaabaa Axmed Maxamed iyo Sayid Musaafi, kuwaasi oo lagu xiray Nairobi sannadkii w012-kii, iyagoo watay waxyaabaha qarxa.
Dhinaca kale, Xog sirdoon oo lala wadaagay Maamulayaasha Kenya ayaa sheegay in xubno ka tirsan Ciiddanka Quddus Force oo ka tirsan Ciiddanka Ilaaladda Kacaanka Iiraan ay qorsheynayaan inay Kenya ku soo galaan iyagoo iska dhiga Ganacsato ama Dalxiisayaal
Ciiddanka Quddus Force. waxaa inta badan loo diraa si ay u hubiyaan in xubnood ku xiran Xabsiyadda Shisheeyaha loo soo dayn lahaa
Hay’addaha Ammaanka Kenya waxaa heegan laga geliyey inay Iiraaniyiinta qorsheynayaan weerar ay ku jabsadeen Xabsiga lagu hayo Eedeysanayaashaasi ama ay beegsadaan Danaha Yuhuudda iyo Maraykanka ku leeyihiin dalka Kenya.
Dhinaca kale, Hay’adda Sirdoonka Gudaha Yuhuudda ee SHIN BET ayaa sheegtay in 2-da Sarkaal oo ka tirsan Ciiddanka Quddus Force ee dalka Iiraan ee lagu qabtay Kenya faraha kula jireen diyaarinta weerar Dalxiis oo lagu beegsanayo Yuhuudda joogta gudaha Kenya.
Baarayaasha Kenya waxay sheegeen inaysan kala caddayn inay 2-daasi Eedeysane xiriir la leeyihiin Alqaacidada xiriirka la leh Alshabaab ama inay qeyb ka yihiin Shabakado kale.
Dhinaca kale, Boliska Kenya ee La-dagaalanka Argagixisadda waxay rumeysan yihiin inay Ciiddanka Quddus Force ee Iiraan doonayaan inay fuliyaan qorshe weerar oo loo qaadan karo inay Alshabaab geysteen.
Ciiddanka Quddus Force waxaa la sheegay inay yihiin kuwo aad u tababaran, isla matkaana uu dhaqhaqaaqooda weli khatar ku yahay dalka Kenya.
Sannadkii2015-kii, Ciiddanka Kenya waxay xireen 2 nin oo Kenyan ah, kuwaasi oo xiriir la lahaa Iiraan, isla markaana qorsheynayeen inay weerar ka geystaan dalka Kenya.
Wasaaradda Arrimaha Gudaha ee Kenya waxay sheegtay in Labada Eedeysane oo lagu kala magacaabo Abuubakar Sadiiq Louw iyo Yaasiin Sambay Jumca doonayeen inay weeraro ka geystaan Danaha Reer Galbeedka ku leeyihiin Kenya.
Bishii Feberaayo waxay Boliska Kenya qabteen gaari hub waday oo ka yimid Somalia, waa sida ay hadalka u dhigeen.
Waxayna xuseen inay qabteen 3 qof oo la socday gaarigaasi o olaga helay qoryo, bamboo-gacmeedyo iyo rasaas, waa sida ay hadalka u dhigeen.
