Wararka laga helayo Magaalada Gaalkacyo ee Xarunta Gobolka Mudug ayaa waxaa ay sheegayaan in qarax Khasaaro geystay oo halkaasi galbta uu ka dhacay.
Jugta qaraxa ayaa waxaa siweyn looga maqlay Xaafado ka tirsan Gaalkacyo,isla markaana waxaa uu ahaa mid lagu soo xiray gaari nooca raaxada ah gaar ahaan NOHA.
Qaraxaasi ayaa waxaa lagu soo xiray gaariga Taliyaha Saldhiga Booliska Gaalkacyo Cawaale Nuur Roobe,isla markaana waxaa ka soo gaaray dhaawac,waxaana loola cararay Isbitaalka weyn ee Magaaladaas,si halkaasi loogu daaweyo xaaladiisa Caafimaad.
Sidoo kale Ciidamada Booliska Gobolka Mudug ayaa waxaa lagu soo waramayaa in baaritaano kala duwan ay ka wadaan goobta uu falka ka dhacay,iyagoona xiray Wadooyinka soo gala iyo kuwa kabaxa goobta.
Ilaa iyo hada ma jirto cid sheegatay Mas’uuliyada qaraxaas lagu dhaawacay Taliyihii Saldhiga Degmada Gaalkacyo ee dowlad Goboleedka Galmudug.
