Qatar Airways ayaa maanta duulimaadkeeda ugu horeeyey soo cagadhigtey garoonka Caalamiga ee Aadan Cabdulle ee magaalada Muqdisho.
Wasiiro, safiiro, iyo madax kale oo ka tirsan dowladda Federaalka Soomaaliya ayaa ka qeybgaley munaasabad kooban oo ka dhacdey garoonka, taas oo lagu daahfurayey laguna soo dhoweynayey duulimaadka cusub ee Qatar Airways.
Qatar Airways ayaa duulimaadkeeda (Doha-Mog-Doha) sameyn doonta maalmaha Sabtida, Isniinta iyo Arbacada. Duulimaadka Qatar Airways ayaa ah mid muhiim ah isla markaana qeyb ka noqon doona duulimaadyada caalamiga ah ee dalka ka howlgala.
