Ku-xigeenka Ergayga Gaarka ee Midowga Afrika u jooga Somalia, Simon Mulongo ayaa sheegay in loo baahan yhaay in la dejiyo Ka-bixitaanka Somalia, iyadoo la waafijinayo Qaraarkii Golaha Ammaanka ee QM si loo yareeyo Ciiddanka AMISOM ee ku sugan Somalia.
Simon Mulongo ayaa hadalkaasi ku sheegay Kulan uu la qaatay Taliyayaasha Ciiddanka AMISOM oo looga xaajoonaya Xilliga Kala-guurka iyo sidii Ciiddanka Dowladda Somalia loogu wareejin lahaa mas’uuliyadda Ammaanka.
AMISOMÂ ayaa rajeynaysa inay yareeyaan tirada Ciiddanka Nabad-ilaalinta ee ku sugan Somalia iyo Iskaashiga ciiddanka Somalia, si loo xaqiijiyo Ammaanka Qaranka xilliga kala-guurka.
Ku-xigeenka Ergayga Gaarka ee Midowga Afrika u jooga Somalia, Simon Mulongo waxa uu ku booriyey Ciiddanka AMISOM inay tab geliyaan Istaraatijiyadooda ku aadan La-dagaalanka Alshabaab, waa sida uu hadalka u yiri.
Mar u uka hadlayey xilliga kama dambesta ee ay AMISOM ka huleeli doonaan Somalia waxa uu ku nuuxnuuxsaday in Wejiga koowaad ee Qorshaha Kala-guurka dhamaan doona muddo 4 sanno, si ay u suurto-gasho in Doorasho Hal qof iyo Hal Cod loo qabto snnadka 2020-ka.
Dhinaca kale, Xaaji Sebirumbi oo ah Saraaklka AMISOM ugu qaabilsan Arrimaha Siyaasadda oo ka haadlay Kulaankaasi ayaa soo bandhigay Qorshaha Qabyadda ee Xilliga Kala-guur ee ay AMISOM ka bixi doonaan Somalia, wuxuuna hoosta ka xariiqay inay DFS hoggamin doono arrintaasi, iyadoo ay AMISOM ka ciyaarayso door Taageero ah.
