Taliyaha Ciidanka Booliska Soomaaliyeed Sarreeyo Gaas Cabdi Xasan Maxamed Xijaar ayaa Taliye Cusub u Magacaabay Ciidanka Booliska maamulka Koonfur Galbeed Soomaaliya.
Wareegto kasoo baxday Xafiiska Taliye Xijaar ayaa waxaa Taliyaha Cusub ee Ciidanka Booliska Koonfur Galbeed loogu magacaabay inuu noqdo Gaashaanle Sare Cabdi Ibraahim Shaamow oo loo yaqaano (Cabdi Dheere), isagoo bedelaya Taliyihii hore ee Ciidankaas.
Sidoo kale Wareegatada ayaa waxaa lagu magacaabay taliyaha Cusub ee qeybta Booliska Sh/ Hoos, Taliyaha laanta Booliska dambiyada Gobolka Baay iyo saraakiil kale oo la shaqeyneysa.
Ugu dambeyn wareegtada ayaa lagu amray taliyeyaasha cusub inay si deg-deg ah xilalka ula wareegaan, si loo dardar galiyo howlaha Booliska ee Koonfur Galbeed Soomaaliya.
Hoos ka Akhriso Wareegtada Magacaabista.
