Sida uu qorshuhu ahaa Duullimaadkii ugu horeeyey ee Shirkadda Kenya Airlines waxa uu bilaaban lahaa maanta (15-ka November), iyadoo isaga kala gooshi lahayd Garoonka Jomo Kenyata ee Nairobi iyo Garoonka Aadan Cadde ee Muqdisho.
Hadal ka soo baxay Maamulka Kenya Airways ayaa lagu shaaciyey inay Duullimaadkaasi bilaabi doonaan bisha soo socota ee December 5-da.
Diyaarad nooceedu yahay Jambojet Bombardier Dash 8 ayaa la filayaa in loo adeegsado Duullimaadka Nairobi iyo Muqdisho.
Dhinaca kale, Dowladda Burundi ayaa hakisay qorshe ay Kenya Airways u adeegsan lahayd Diyaaradaas inay isaga kala gooshto Nairobi iyo Bujunbura, sababo la xiriira Diyaaradaasi oo aan lahayn qeyb u gaar ah Madaxda iyo Ganacsatada ku safri lahaa Diyaaradda nooceedu yahay Jumbo Jet, Bombardier Dash 8 Q400.
