Maalma ka hor dowladda Kenya ayaa Muqdisho ka qaaday tiro ka mid ah dadkii ku dhaawacmay qarixii khasaaraha badan geestay ee ka dhacay Isgoyska 14 Octoper Ex Zoobe ee Magaalada Muqdisho.
7 Ka mid ah dadkaas oo qabay dhaawacyo culus ayaa la geeyay Nairobi si loogu soo daweeyo, kadib codsi ka yimid dowladaas.
Magaalada Nairobi waxaa ka socda Gurmadyo kala duwan ay sameynayaan bulshada Soomaaliyeed ee ku nool dalkaas si loo caawiyo dadkii ku waxyeeloobay qarixii Zoobe ee yaalla Isbitaalada Kenya.
Masuuliyiin ka socotay Safaarada Soomaaliya ee dalka Kenya iyo culumo uu ka mid yahay Sheekh Maxamed Cabdu Umal, ayaa booqday dhaawacyadaas si ay Gurmadka u sii wadaan.
Masuuliyiinta Safaarada ayaa balan qaaday in dhankooda ay siweyn uga qeyb qaadan doonaan gurmadka loo sameynayo dadkaasi dhaawacyada qaba.
Hoos Ka Daawo Sawirrada
