Magaalada Gaalkacyo ee Xarunta Gobolka Mudug ayaa waxaa lagu qabtay gabar in muddo ah iska dhigeysay inay Nin tahay sida uu shaaciyay Taliska Booliska Gobolka Mudug.
Maxamed Nuur Cali oo ah Taliyaha Booliska G/Mudug oo warbaahinta kula hadlay Magaalada Gaalkacyo ayaa waxaa uu sheegay in Ciidamada amniga ay gacanta kusoo dhigeen gabar in muddo ah iska dhigeysay inay Nin tahay,isla markaana Dumar badan ula shaqeyn jirtay qaab Nin ahaan ah.
Sidoo kale Taliye Maxamed ayaa tilmaamay in gabadhaas oo lagu magacaabo Deeqo Cabdullaahi Aadan xiliga la soo qabanayay ay gacanta ku wadatay Bastoolad,iyadoo haatan ay baaritaano kala duwan ku hayaan laamaha amniga.
Intaasi kadib ayaa waxaa warbaahinta loo soo bandhigay Deeqo Cabdullaahi Aadan,isla markaana waxaa ay Wariyeyaasha u sheegtay in muddo ah inay Dumarka ula shaqeyn jirtay qaab Nin ah,hayeeshee markii dambe lagu soo qabtay arrintaas.
Deeqo Cabdullaahi ayaa xustay in Bastoolado ay Ciidanka amniga kusoo qabteen ku sheegay inay ilaalin jirtay Dukaan ay laheyn,waxaana Sawirro laga soo qaaday gabadhaas ka muuqday,iyadoo xiran shaati iyo Macwiis,isla markaana Cimaamad iyo Tusbax.
