Ninka dilka geystay oo lagu magacaabo Esteban Santiyago oo 26-jir waxa uu rasaas ku furay dad ku xoonsanaa Garoonka Diyaaradaha ee Fort Launderdale, halkaasi oo uu ku dilay 5 qof, kuna dhaawacay 8-kale.
Askarigaasi oo dalka Iraq ka soo dagaalamay sannadihii 2010-kii ilaa 2011-kii, ayaa la sheegay inuu watay Qori sharciyeysan oo uu kala soo degay Garoonkaasi, kadibna uu dadka ku furay rasaas ilaa ay xabbadihii ka idlaadeen.
Boliska ayaa la sheegay inay ninkaasi dhaawaceen, xilli uu doonayey inuu cabaysto qorigiisa, waxaana ku socota Baaritaan.
Dhinaca kale, Madaxweyne Obama ayaa ka tacsideeyey Toogashadaasi, halka Madaxweynaha La-doortay ee Donald Trump bartiisa Twitterka ku sheegay inuu si dhow ula soconayo xaallada dhibaatada leh ee ka dhacday Gobalka Florida.
Ninka toogashadda geystay ayaa la sheegay in horey Isbitaalka Dhimirka loogu soo daaweeyey, kadib, markii uu FBI-da u sheegay in lagu khasbay inuu u dagaalamo Kooxda Daacish.
©Radio Dalsan
