Ra’iisul Wasaaraha Xukuumadda Federaalka Soomaaliya ee xilgaarsiinta Maxamed Xuseen Rooble iyo wafdi uu hoggaaminayo ayaa gaaray Magaalada Jabuuti ee Caasimadda dalkaas.
Ra’iisul Wasaare Rooble ayaa waxaa Garoonka diyaaradaha Jabuuti kusoo dhaweeyay dhiggiisa Jabuuti Maxamed Cabdulqaadir Kaamil, Wasiirro iyo mas’uuliyiin kale, waxaana intaas kadib loo galbiyay hadalka loo diyaariyay inuu dego isaga iyo wafdigiisa.
Ujeedka Ra’iisul Wasaaraha Xukuumadda xilgaarsiinta Rooble ayaa waxaa uu yahay ka qeyb galka Munaasabadda Caleemo-saarka Madaxweynaha Jabuuti Ismaaciil Cumar Geelle oo markii shanaad dib loo doortay.
Sidoo kale Ra’iisul Wasaare Rooble ayaa kulamo la qaadan doona qaar kamid ah Madaxda ka qeyb galeysa Caleemo-saarka Madaxweyne Geelle, iyagoo ka arrinsan doona xaaladda Soomaaliya iyo Arrimo kale.
Madaxweyne Ismaaciil Cumar Geelle ayaa markii 5-aad oo xiriir ah ku guuleystay doorashada Madaxtinimada dalka Jabuuti, waxaana Caleemo-saarkiisa ka qeyb galaya Madax badan oo lagu casuumay.
