Sida aan ka soo xiganay Wargeyska Malta News, waxay Boliska shalay gacanta ku dhigeen Muwaadin Somali ah, oo lagu qabtay Xashiish uu iibinayey iyo inuu si xun u dhaawacay saddex alifle ka tirsan Boliska.
Wararka waxay sheegayaan in Ninka Soomaaliga uu dagaal iska-caabin ahaa ku qaaday Askariga ku qabtay Xashiiska, wuxuuna u geystay dhaawacyo culus.
Eedeysanaha ayaa la filayaa in maalmaha soo socda la soo taagi doono Maxkamadda, si loogu qaado Fal-dembiyeedka inuu haystay Xashiish iyo inuu feeray Askari.
Dhinaca kale, Boliska Malta waxay sheegeen inay gacanta ku dhigeen 7 Eedeysane oo lagu helay iyagoo haystay Daroogadda Khatarta ee Kokaa’iinka.
©Radio Dalsan
