Faah faahinno dheeraad ah ayaa laga helayaa Qarax khasaare dhaliyay oo goordhaweyd ka dhacay Magaalada Muqdisho.
Qarax oo ahaa nuuca miinada dhulka lagu aaso ayaa wararkuw axa ay in si gaar ah uu uga dhacay laamiga dheer ee aada xarunta degmada Dayniile, gaar ahaan halka loo yaqaan Guutaale.
Qarax oo jugtiisa si weyn looga maqlay qaybo badan oo caasimadda ka mid ah ayaa wararka aynu helnayw axaa ay sheegayaan in eegtay gaari uu la socday taliyaha hay’adda Nabad sugida degmada Dayniile Cabdiraxman Cali Waqooyi, kaasi oo goorta Qaraxu dhacay wadada marayay, sida ay sheegeen dad goobjoogayaal ah.
Qaraxa oo gaaariga Taliyaha waxyeello gaarsiiyay ayaa lasoo sheegayaa in Taliyaha uu ka bad baaday, waxaana uu ku dhaawacmay hal askari oo kamid ahaa ilaalada taliyaha iyo qof kale oo shacab ah.
Laamaha ammaanka degmada wali wax war ah kama soo saarin Qaraxaasi, mana jirto faah faahin intaa ka dheeri ah oo laga helay Qaraxaasi goordhaweyd ka dhacay degmada Dayniile Cabdiraxman Cali Waqooyi.
