Maxkamadda Gobolka Banaadir oo Maanta bilowday dhagaysiga dacwad ka dhan ah Muwaadin u dhashay dalka Ingiriiska,kaasi oo loo haysto qalqal gelinta Amniga Garoonka Diyaaradaha Aadan Cadde ee Magaalada Muqdisho.
Hay’addaha amniga ayaa Andrew Braian Irlam ka qabtay Garoonka Adan Cadde lix Bilood kahor gaar ahaan halka lagu hubiyo dadweynaha doonaya inay dalka ka dhoofan,isagoo intaasi u xirnaa hay’adaha amniga dowladda Soomaaliya.
Andrew Braian oo ka soo muuqday Maxkamadda Gobolka Banaadir ayaa waxaa lagu eedeeyay inuu qal-qal geliyay amniga Garoonka diyaaradaha Magaalada Muqdisho,kadib markii halkaas uu la galay qasnado iyo Jaakadaha xabada celiya.
Sidoo kale weli Maxkamadda kuma dhawaaqin xukunka lagu riday Andrew Braian Irlam oo u dhashay dalka Ingariiska,waxaana la dhageystay oo kaliya Dacwada loo heysto.
