Wararka aan Caawa ka heleyno Magaalada Kismaayo ee Caasimadda KMG u ah dowlad Goboleedka Jubbaland ayaa waxaa sheegayaan in halkaas lagu dhaawacay mid kamid ah Nabadoonada deegaanka.
Kooxo hubeysan ayaa Nabadoonka dhaawacay xili uu kasoo baxay Masjid ku yaalla Kismaayo oo uu kusoo tukaday Salaadii Maqrib.
Nabadoonka falkaas loo geystay ayaa waxaa lagu magacaabaa Rashiid Dhure Ibraahim,isla markaana waxaa haatan xaaladiisa Caafimaad lagu dabiibayaa Isbitaalka weyn ee Magaalada Kismaayo.
Wararka ayaa intaasi waxaa ay ku darayaan in ragii dhaawacay Rashiid Dhure goobta si deg deg ugu baxsadeen luuq yar oo xiligaas goobta ka Agdhawaa.
Ciidanka amniga maamulka Jubbaland ayaa Caawa waxaa ay howlgalo ka wadaan Xaafado ka tirsan Magaalada Kismaayo ee Caasimadda KMG u ah Jubbaland.
