Booliska dalkaasi ayaa waxay sheegeen in 24-kii saacadood ee la soo dhaafay 8 qof lagu dilay magaalladda Cape town ee dalkaasi.
Toogashadaasi ayaa la rumeysan yahay inay ku lug leeyahay colaadda u dhexeysay Burcadda Hubeysan ee dhexdooda is-ugaarsada.
Afhayeenka Boliska ayaa sheegay in dadka la dilay ka mid ahaayeen 6 haween oo da’dooda u dhexeysay 18-jir ilaa 26-jir ah.
Toogashada waxaa kaloo lagu dilay nin 23-jir iyo haweeney 18-jir ah, mana jirto cid loo soo xiray dilkaasi.
Toogashadaasi ayaa timid wax ka yar hal isbuuc ah ka hor, marka uu Wasiirka Boliska ee dalkaasi, Beheki Kelebooqashadda ku tegi doono magaalladda Cape Town, si u uuga hadlo colaadaha u dhexeeya burcad ka soo kala jeeda dhowr beel.
Sannad kasta,Tobaneeyo qof ayaa lagu dilay iska horimaadyo dhex maray kooxoaha burcad ah, waxayna Madaxda Degaanka ka codsadeen Dowladda Qaranka inay ciiddamo Milliteri soo diraan, si wax looga qabto kooxaha burcadda hubeysan.
Sannadkii la soo dhaafay, Madaxweynaha dalkaKoonfurta Afrika, Sayril Ramafoosa waxa uu amray in la qaado Hawlgal ka dhan ah burcadda hubeysan ee ku sugan magaalladda Cape Town, si wax looga qabto colaadaha burcadda ee ku sii kordhaya magaalladdaasi