Dowladda Mareykanka ayaa Caawa War kasoo saatay dagaal Culus oo Maanta duleedka Degmada Balad-xaawo ee Gobolka Gedo ku dhexmaray Ciidanka dowladda Soomaaliya iyo kuwa Jubbaland gaar ahaan kwuo raabacsan Wasiir C/rashiid Janan.
Qoraal kasoo baxay Safaaradda Mareykanka ee Soomaaliya ayaa waxaa dowladda Federaalka Soomaaliya iyo Maamulka Jubbaland loogu baaqay inay joojiyaan dagaalka ka socda duleedka Balad-xaawo.
Sidoo kale Qoraalka Safaaradda ayaa waxaa lagi sheegay in looga baahan yahay in xal nabadeed laga gaaro Khilaafka labada dhinac, isla markaana hogaamiyeyaasha labada dhinac ay muujiyaan samir.
“Waxaan ku baaqeynaa in xal nabadeed laga gaaro khilaafka, hoggaamiyaasha labada dhinac waxaa loo baahan yahay in ay samir muujiyaan oo ka faa iideystaan ​​waxtarka umadda Soomaaliyeed ee ku nool gobolka†ayaa lagu yiri qoraalka kasoo baxay safaaradda Mareykanka ee Soomaaliya.
Dagaal xoogan oo geystay Khasaaro isugu jira dhimasho iyo dhaawac ayaa Maanta Ciidanka dowladda iyo kuwa Jubbaland ku dhexmaray duleedka Balad-xaawo ee Gobolka Gedo, waxaana dagaalka uu kusii fiday Magaalada Mandheera ee dalka Kenya.
Dad shacab ah oo ku sugnaa gudaha Degmada Balad-xaawo ee Gobolka Gedo ayaa waxaa la sheegay inay wax ku noqdeen Madaafiic xoogan oo kusoo dhacday Xaafado ka tirsan Degmadaas, isla markaana waxaa labada dhinac ay isku adeegsanayeen hubka noocyadiisa kala duwan.
