Maraykanka oo ciidamo iyo Qalab Milliteri u diray Syria

Marayaknaka ayaa la sheegay inuu sii wado inuu Ciiddan iyo Qalab ku taageero Maleeshiyadda YPG ee ka dagalaanta gudaha dalka Syria, isla markaana gacanta ku haysta dhul ka mid ah Bariga Webiga Furaat ee dalkaasi.

Kolonyo Milliteriga Maraykanka leeyihiin ayaa la sheegay inay qalabkaasi ka gudbiyeen Albaabka Semelka ee ku yaalla xuduudka  laga galo ee uu dalka Iraq la wadaago Syria.

Arbacadii la soo dhafaay, Dowladaha Maraykanka iyo Turkiga waxay isku raaceen in Goob Ammaan ah laga sameeyo Waqooyiga Syria iyo in la dhiso Xarun Iskaashi oo ay labada dhinac ka maamulaan Deegaanka Nabadda.

Dhinaca kale,  afar ka tirsan Dagaalamayaasha isku magacaaba Ciiddanka Dimuqraadiyadda Syria ee SDF ayaa lagu dilay qarax ka dhacay Gobalka Al-xasakah ee W/bari Syria.

Milliteriga Maraykanka ayaa waxay taageeraan Maleeshiyadaasi  ka soo jeeda Qowmiyadda kurdishka ee ku xooggan W/bari ee Syria.

Comments
Loading...