Wararka naga soo gaarayo gobolka Gedo gaar ahaan degmada Luuq ayaa sheegaya in goor dhaweyd qarax uu ka dhacay gudaha degmadaas,waxaana ka soo baxaya warar kala duwan oo la xariira Khasaaraha qaraxaas.
Masuuliyiin katirsan maamulka gobolka Gedo ayaa Radio Dalsan u xaqiijiyey in qaraxa lala eegtay gudoomiyaha degmada Luuq Maxamed Xuseen Cismaan looguna xiray gaarigiisa,oo la sheegay inuu dhaawac culus ka soo gaaray gudoomiyaha,kaas oo loola cararay isbitaalka Magaalada Goobta qaraxa waxaa ku dhintay askari kamid ah ilaaladiisa.
Gaariga gudoomiyaha degmada Luuq ayaa gabi ahaan ku basbeelay qaraxaasi oo loogu xiray Gaariga, waxaana jugta Qaraxa laga maqlay qeyba kamid ah Magaaladaasi,iyadoo ay soo baxayaan faa-faahinada qarxaasi oo ay Dalsan ogaatay inuu dhaawac halis ah ka soo gaaray guudoomiyihii Luuq Maxamed Xuseen Cismaan,oo gaarigiisa loogu xiray walxaha qarxa.
Ilaa iyo hada majirto faa-faahin laga bixiyey qaraxa oo ka dhacay gudaha magaalada Luuq gobolka Gedo ee koonfurta Soomaaliya.
