Isbitaalka The Xushou City Central Hospital ee Gobalka Jiangsu ee Bariga dalka Shiinaha ayaa lagu xiray Nin la socday xaaskiisa oo 12 jir  Xaamilo ahayd.
Gabadha xaamilada oo aan magaceeda la sheegin ayaa waxaa Isbitaalka loo keenay si baaritaan loogu sameeyo xaalladeeda, iyadoo lahayd uur 3 bilood ah.
Dhakhaatiirta Isbitaalka ayaa sheegay inay gabadha aad u yar tahay, isla markaana u muuqaal eg tahay Ciyaal Iskuul.
Dhakhaatiirta waxay isku hawleen inay gabadha wax weydiiyaan, balse, gabadhu wey awoodi kari weyday inay ku hadasho Luqadda looga hadlo Shiinaha.
Mid ka mid ah shaqaalaha ayaa sheegay inay gabadhu 12 jir tahay oo aysan u dhaweyn haweeney 20-jir ah.
Ninkii ay xaaska u ahayd ayaa ka carooday hadalada Dhakhaatiirta, wuxuuna si kulul u yiri:- “Waxaan halkan u keenay in lagu sameeyo Baaritaan, shaqadiina qabsada, joojiya hadalka badanâ€.
Shaqaalaha Isbitaalka waxay ka caroodeen hadalkiisa, waxayna si hoose ugu yeereen Boliska, waxayna Boliska weydiiyeen gabadha yar ee xaamilada ahayd haddii ay leedahay Waraaqaha Aqoonsiga iyo inay ku hadli karto Luqadaha Rasmiga looga hadlo dalka Shiinaha.
Gabadhaasi ayaa la sheegay inay tahay Shisheeye ka timid dalalka K/Bari ee Qaaradda Asia, inkastoo aan si rasmi ahaan loo xaqiijinin dalka ay u dhalatay.
Baarayaasha waxay ka shaki qabaan in la soo qafaashay Gabaddhaasi ama loo soo iibsaday sidii Caruusad Ajnabi ah “as a foreign brideâ€.
Inta badan raga Shiinaha waxay Taariikh ahaan caadi ka dhigteen inay xaasas ka soo wataan dalka Vietname, oo ay ka soo gudbiyaan Xuduudka Koonfureed ee Shiinaha.
©Radio Dalsan
